Gwagenn TV pedet e Ti ar Vro Kemper d’ar Yaou 23 a viz Ebrel 2009 da 8e 30 noz .
YAOUANK & YAC’H ! DICHEK & DIREZON !
Piv eo Gwagenn TV ?
Gwagenn TV, ganet e Breizh Uhel, ar chadenn TV hollvrezhonek kentañ a c’heller pellgargañ (evit sellout meur a wech pe evit lakaat war ho ipod) pe sellout en linenn.
Gwagenn TV a zo he fal kinnig abadennoù e brezhoneg en un doare reoliek. Klasket e ve reiñ ar gaoz da vrezhonegerien yaouank, reoù Breizh Uhel hag an harlu.
Objet: Produiñ, krouiñ ha skignañ filmoù e brezhoneg. Skignañ dreist-holl war Internet
Emañ bed ar c'hleweled e Brezhoneg o fiñval, o cheñch...N'eus ken met teurel ur sell ouzh ar pezh a gaver war ar web (Webnoz, Setu, Gwagenn TV, Kaouenn.net, abadennoù France 3, blogoù hinienel...) evit gwelet e vez krouet a bep seurt traoù gant tud nevez a-wezhoù. Ma vez ledanet hor bras-sell war ar chadennoù evel France 3 Breizh, TV Roazhon 35 e vez gwelet ivez traoù nevez pe filmaozourien yaouank o kemer hardizh o c'hamera a-benn komz eus danvezioù disheñvel, pe filmoù pe rummadoù estren doublet e Brezhoneg pe c'hoazh sitkomoù...
Evit gellet kaout un tañva eus an emdroadur-se e pedomp ac'hanoc'h da gemer perzh e Ti ar Vro Kemper d’ar yaou 23 a viz ebrel 2009, da 8e30, straed Jean Jaurès e Kemper... Moaien 'vo eskemm goude ar filmoù diwar-benn danvez an traoù skignet.
abegoù evit sellet eus Gwagenn TV
Fent soutil Yann-Herle Gourves ha Tony Foricheur
Envorennoù yaouankiz Bernez Tangi
Poltredoù Anna Thomin e Breizh, Liban ha Syria
Porzh Mirdi Douarnenez
Kentel Douaroniezh Maelan Joubin
Arno ha Frank Abdulsater
Stajidi 6 miz pol brezhoneg Skol An Emsav
Atersadenn Blackfire ur strollad punk-rock Navajo
Evit gouzout muioc’h : http://blog.gwagenn.tv/
